4 orë më parë‘Lojërat’ e PDK-së: S’kemi kandidat tjetër, deklaratat e Veselit ishin sa për t’i ulur tensionet
Periskopi(9 vite më parë)
(9 vite më parë)Me gjithë deklarimet se koalicioni PAN do të caktoj një kandidat tjetër për ta zëvendësuar Kadri Veselin në postin e kryetarit të kuvendit, këtë opsion e ka hedhur poshtë anëtari i Këshillit Drejtues të PDK-së, Shaip Muja duke thënë se, Veseli është i vetmi kandidat që do të votohet për kryeparlamentar në seancën e së […]
Ai për Indeksonline është shprehur se vetë deklarimet e Kadri Veselit dhe mundësisë për tu zëvendësuar në postin e kryetarit të kuvendit, kanë qenë veç sa për t’i ulur tensionet e krijuara nga Vetëvendosja dhe koalicioni LAA.
“Nuk do të ketë kandidat tjetër, që do ta zëvendësonte Kadri Veselin në postin e kryeparlamentarit madje as nuk është përmendur ndonjë si propozim. Veseli është zgjedhur si kandidat në këtë post me pëlqimin e PDK-së, dhe ky propozim ka edhe mbështetjen e kushtetutës së Kosovës, sepse ne jemi të parët që kemi fituar shumicën e votave, dhe as Vetëvendosja e as koalicioni LAA nuk munden te na e diktojnë se kënd ne duhet ta vendosim në postin e kryeparlamentarit”, ka thënë Muja.
Ndërkaq i pyetur se çka pret PDK-ja nga seanca e së premtes, Muja është përgjigjur se Kadri Veseli do të zgjidhet kryetar i Kuvendit të Kosovës, dhe Ramush Haradinaj do të votohet për kryeministër të Kosovës.
“Nëse kryesuesi i seancës Adem Mikullovci nuk bënë loja siç ka bërë në seancën e fundit, atëherë zgjedhja e z.Veseli për kryetar të kuvendit do të shkoj në mënyrë normale”, ka thënë ai.
Por, sipas ish deputetit Mujam nëse kryesuesi i seancës nuk i përmbahet detyrave t tij siç i takojnë, atëherë PAN do të detyrohet ta braktis seancën.
“Nëse Adem Mikillovci si kryesues i seancës nuk përmbahet agjendës dhe detyrave që i takojnë dhe bie nën ndikimin e tjerëve, atëherë PAN është i detyruar ta braktis atë seancë, sepse nuk ka kurrfarë kuptimi vazhdimi i saj në atë mënyrë”, ka thënë Muja.
