LAA kundër mbajtjes së seancave tjera, ja çfarë propozojnë

Përfaqësuesi i LAA’së Avdullah Hoti ka thënë se nga sot vendi po hynë në krizë të thellë politike.

Ai ka thënë se LAA është kundër që më të vazhdohet me seanca të tilla. Thotë se kjo situatë është krijuar për shkak të Kadri Veselit dhe Rmaush Haradinajt.

“Kjo situatë është krijuar nga një grupim politik që ka monopolizuar të drejtën për ta propozu kryetarin e Kuvendit. Dua të them qartë se ky monopolizim po ndodh për shkak të dy individëve për të ardhur në krye të dy institucioneve. Po të sjelleshin në mënyrë demokratike, koalicioni i udhëhequr nga PDK sot të dalë e të jap emrin ose të dalë të thotë se nuk e kanë shumicën. Sot përfundimisht vendi po hyn në krizë të thellë institucionale. Mendoj se nga sot nuk duhet të organizohen seanca tjera për themelimin e Kuvendit para se të qartësohen rrugët ligjore se si duhet propozuar kryetari i Kuvendit”, ka thënë Hoti./Periskopi/