Ky është daja i Muharrem Sfarqës, që e rrahu për ‘haraç’ biznesmenin nga Ferizaj (Foto)

Ismet Kamenica, biznesmen ndërtimor nga Komuna e Ferizajit, ka hedhur akuza të rënda ndaj kryetarit të Komunës së Ferizajt, Muharrem Sfarqa.

Kamenica thotë se ka një kohë të gjatë që shantazhohet e kërcënohet nga njerëz të afërt të kryetarit Sfarqa për haraç, në mënyrë që ai të marrë lejet për objektet ndërtimore, shkruan Periskopi.

Në intervistën e tij për televizionin lokal “Tema”, Kamenica, i cili sot është rrahur brutalisht, siç thotë ai nga daja i Sfarqës, Gani Leskovci dhe njerëz tjerë të afërm me të, thekson se tashmë biznesi i tij është dëmtuar mjaftueshëm nga kryetari Sfarqa.

Ndërkohë, ende nuk dihet nëse Leskovci, i akuzuar drejtpërdrejt për sulm fizik ndaj Kamenicës, është marrë në pyetje nga Policia ose jo.

Më poshtë mund të gjeni fotografi të Leskovcit, i cili dyshohet si një ndër sulmuesit e Kamenicës. /Periskopi/