Kimete Berisha për rrahjen e gruas së ministrit: Fajtori është ai që ka ‘përfituar’ nga rrahja e saj

Gazetarja Kimete Berisha ka reaguar pas rrahjes së Vitore Stavilecit, bashkëshortes së ministrit Blerand Stavilecit.

Berisha thotë se fajtori është ai që ka përfituar nga rrahja e Vitores, e cila sot do të festonte përvjetorin e martesës me Blerandin.

Për Berishën nuk mund të jetë e vërtetë që aktivistët e VV-së sulmojnë tinëz.

Komenti i saj i plotë në Facebook:

Fajtori është ai që ka ‘përfituar’ nga rrahja e zonjës Stavileci!

Uranin e PDK-së, i cili kohëve të fundit po sillet si personazh i Ëilliam Shakespeare dhe Alexander Pope, i akullt, i errët dhe dramatik, do ta pyesja se çfarë ka përfituar’ Vetëvendosja nga rrahja e zonjës Stavileci, kur Vetëvendosja e ka ditur shumë mirë (si një e një që bëjnë dy), se ‘do t’i mbetet faji’.

Aktivistët e Vetëvendosjes i kemi parë të çarten ashiqare, pa e fshehur fytyrën para botës, prandaj më vjen zor të besoj që është stili i tyre të sulmojnë tinëz.

Ashtu siç nuk e kam kuptuar kurrë pasluftës pse për secilën vrasje të veprimtarëve të LDK-së vetvetiu, automatikisht ‘faji’ i mbetej PDK-së, ndërsa vrasjet nuk ndaleshin.

Edhe atëherë si tash, ndoshta dikush është i interesuar të na bëjë të ‘vritemi’ mes veti.

Përndryshe, s’ka logjikë.

Në Kosovë po fiton frika.

Veç kanë fillu njerëzit (sidomos femrat) mos me dal prej shpije pas perendimit të diellit;
Mos me ec vetëm;
Gati-gati orë policore e pashpallur është për secilin prej nesh.

P.S. Neve s’ka gjë që na motivon për ‘përleshje qytetare’. ama ta mbrojmë veten e kemi obligim.

Veç e kam mbushur sprejin me spec meksikan, dy duar për një kry’, në vendin ku kurrë asnjë vrasje dhe asnjë krim nuk u zbulua.