Këto janë yjet e Hollivudit që preferojnë meshkujt e rrezikshëm

Në shumë shtete të botës femrat mundohen t’i shmangin djemtë e këqij dhe të rrezikshëm, por kjo nuk ndodh edhe tek bukuroshet e Hollivudit. Edhe pse e dinë se ata janë problematikë dhe krijojnë vazhdimisht probleme, disa edhe serioze, ato prapë duan të lidhet me ata.

Ne jua sjellim disa nga yjet e Hollivudit, të cilat janë dashuruar në djem jo aq të urtë dhe të butë. Fituesja e çmimit “Oscar”, Anne Hathaway, ishte viktimë e të dashurit me emrin Rafaelo Folieri, një artist i vërtetë për mashtrime.

Ky italian kishte vjedhur miliona dollarë nga investitorët para se të arrestohej dhe të dërgohej në burg. Ellen Pompeo ishte magjepsur nga bukuria e Chris Aivery, i cili kishte përfunduar në burg për shkak të mashtrimeve me kartela të kreditit, ka qëndruar një vit në burg federal, e po ashtu edhe për shitje të drogës. Të gjithë ishin të befasuar kur Sandra Bullock kishte filluar romancën me Jessie James. Përveç që njihet si një mashkull që tradhton, siç e ka tradhtuar edhe aktoren, ai disa herë ka qenë gjyq për shkak të parave të cilat i ka fituar në mënyrë të paligjshme. Dosja e këngëtarit Chris Brown në polici ishte hapur kur e kishte rrahur të dashurën e atëhershme Rihanna.

Pas kësaj ai shpesh ka përfunduar në pranga për shkak të rrahjeve dhe drogës. Charlize Theron për rreth një vit ishte në romancë të zjarrtë me aktorin problematik Sean Pennin. Edhe pse mediet e kishin kritikuar aktoren për këtë lidhje, ajo as që e kishte qarë kokën për këtë, edhe pse në fund e kishte kuptuar se ishte një gabim dhe se ai ishte i pandreqshëm, pasi edhe në të kaluarën ishte akuzuar për rrahje të ish-bashkëshortes Madonna, për çka edhe ishte arrestuar disa herë.

Edhe pse sot është njëri nga reperët dhe producentët më me ndikim, e kaluara e Jay-Z-it nuk është aq e mirë. Burri i Beyonces përveç që ka shitur drogë, e kishte qëlluar me armë edhe vëllain e vet.