2 orë më parëHoti sërish flet për përplasjen mes Kurtit e Veselit në Kuvend
Periskopi(9 vite më parë)
(9 vite më parë)Shefi i Grupit Parlamentar të LAA-së, Avdullah Hoti ka thënë se nuk ka më asnjë kuptim që të thirren seanca të kuvendit, e ku PAN nuk e propozon kandidatin për kryetar. Hoti ka thënë se LAA por edhe Vetëvendosja, kanë respektuar të drejtën ekskluzive të PAN-it që ta propozojnë kandidatin për të parin e parlamentit. […]
Hoti ka thënë se LAA por edhe Vetëvendosja, kanë respektuar të drejtën ekskluzive të PAN-it që ta propozojnë kandidatin për të parin e parlamentit.
Por sipas tij në formën se si u veprua sot por edhe më parë, Kuvendi është monopolizuar, transmeton Klan Kosova.
“Sot kemi hyrë në një krizë të thellë institucionale që do të jetë bukur vështirë se si të dilet nga kjo situatë”, ka thënë Hoti në Info Magazine.
Hoti ka theksuar se koalicioni PAN, po thirret se i kanë 60 vota, por që sipas tij kjo nuk është e vërtetë.
“Ata nuk i kanë as 60 vota, sepse nuk i kanë provuar se sa i kanë”.
“Ata kanë 39 vota shqiptare, ne jemi 61 vota shqiptare, por që po i llogarisin edhe votat e deputetëve të minoriteteve”, ka deklaruar Hoti.
Sipas tij nuk ka asnjë kuptim që të shkohet më tutje me këtë situatë.
“Presioni dhe shantazhet sot përfundimisht kanë rënë poshtë, ashtu si teoritë konspirative të disa mediave”.
Sipas Hotit, Kuvendi është shndërruar në arenë kacafytjesh, nga PDK dhe Vetëvendosje.
“Ne nuk e morëm fjalën sepse nuk bimë në nivelin e debatit të tillë. Ne jemi për debat substancial”.
“Këto dy parti kanë bashkëpunuar për dhunën në Kuvend. Veseli ka qenë kryetar që ka lejuar që në Kuvend të hidhet gaz. PDK me Vetëvendosje janë marrë vesh për ta rrezuar qeverinë Mustafa”.
“Ata janë marrë vesh në vitin 2013 për Prishtinën – për kryetar të Prishtinës. Shpend Ahmeti është zgjedhur kryetar falë PDK-së”, ka shtuar Hoti më tej.
