7 orë më parëHaziri: 10 ditëshi i Pacollit si propozim për qeveri gjithpërfshirëse, të mos shihet si ultimatum
Periskopi(9 vite më parë)
(9 vite më parë)Nënkryetari i Lidhjes Demokratike të Kosovës, Lutfi Haziri konsideron se dhënia e afatit prej 10 ditëve nga kreu i Aleancës Kosova e Re Behgjet Pacolli për LDK-në dhe Lëvizjen Vetëvendosje për zhbllokimin e ngërçit politik, duhet të shihet në funksion të propozimit të tij për një qeveri gjithpërfshirëse e jo si ultimatum. Kjo pasi që […]
Kjo pasi që sipas Hazirit, po të shihej si ultimatum ai nuk do të prodhonte zgjidhje për këtë problem, por do të dërgonte “ujë në mulli të PAN-it”, siç u shpreh ai.
“Deklarata e z. Pacolli duhet të shihet në funksion të propozimit të tij për një qeveri gjithpërfshirëse, e cila e ka qëllimin politik të cilin vet z. Pacolli e ka spjeguar. Unë besoj shumë që nuk ka të bëjë me ultimatum por ndërtimi i përceptimit publik në ultimatume të ndërsjellta më shumë është me qu ujë në mulli të PAN-it se sa me qu drejtë një opsioni i cili zgjedh problem”, tha ai për “Gazeta Blic”
Tutje, duke komentuar partneritetin ndërmjet LDK-së dhe AKR-së, Haziri ka thënë se ka mbetur i fuqishëm që nga dita e parë e nënshkrimit të marrëveshjes për koalicion parazgjedhor në prag të zgjedhjeve të parakohshme të 11 qershorit.
“Sa i përket koalicionit me LDK-në qëllimi i ndërtimit të koalicionit para zgjedhjve të 11 qershorit është ruajt dhe ky motiv dhe ky qëllim mbetet po aq i fuqishëm sot e asaj dite”, u shpreh ai.
Ndërsa mungesën e deputetëve të koalicionit PAN në katër seancat e fundit konstituive, Haziri nuk e sheh ndryshe veq si rezultat të mungesës së mbështetjes parlamentare për të përmbushur të drejtën e tyre kushtetuese, për zgjedhje të kryetarit të Parlamentit të Kosovës dhe nënkryetarëve.
“Përderisa koalicioni i parë në Kosovë sipas udhëzimit Gjykatës Kushtetuese nuk ka emër në Kuvendin e Kosovës dhe nuk merr pjesë në seanca të ftuara, atëherë ne flasim për mungesë të mbështetjes parlamentare, praktikisht as minimumin e votave formale për mu zgjedh nuk i kanë, për kryesi të kuvendit për kryetar të kuvendit po flasim, ndërsa për qeverinë e cila ka me pas nevojë në baza ditore me i pas 61 vota”, tha Haziri.
Ndryshe, me propozim të koalicionit PAN kryesia e Kuvendit të Kosovës pritet të mblidhet të mërkurën e javës së ardhshme më 16 gusht për të caktuar seancën e radhës konstituive me 17 ose 18 gusht.
Në po atë ditë kur pritet të mbahet seanca e radhës koalicioni PAN do të dalë edhe me emrin e të nominuarit për kryekuvendar i cili pritet të jetë Kadri Veseli. Për zgjedhjen e tij kryetar të Kuvendint nevoiten së paku 61 vota, gjë që vështirë mund t’i sigurojë pa mbështetjen e disa prej deptuetëve nga koalicioni LAA pasi që nga VV-ja janë unanimisht kundër zgjedhjes së tij kryetar të Kuvendit.
