Gjermanët në protestë pas dëbimit të familjes shqiptare

Pas largimit të familjes shqiptare nga Gjermania, komuniteti i distriktit Plon, ku ishte vendosur familja kanë protestuar kundër deportimit të tyre. Mediat vendase shkruajnë se kjo për shkak dhe se autoritetet lokale kishin bërë një gabim gjatë procesit të shqyrtimit të dosjes së lejes së qëndrimit të familjes shqiptare. Këta të fundit javën e kaluar u deportuan në Shqipëri.

“Ne jemi si zogj pavarësisht se ndryshuam vendin me shpirt e zemër jemi tek ju na mungoni” thuhet në një mesazh që familja i ka dërguar një mikeshe të tyre në Gjermani.

Sipas mediave gjermane, familja shqiptare ka apeluar por autoritetet më të larta ende nuk kanë marrë mendim.

Ndërkohë disa drejtues të lartë si zëvendësi i Komisionerit për Refugjatët, Torsten Döhring, Këshilli për Refugjatët Schlesëig-Holstein dhe disa organizata të tjera kanë kërkuar kthimin e familjes në Gjermani deri në momentin kur dosja e tyre të përfundojë së shqyrtuari. Gjithashtu është kritikuar dhe dëbimi i familjes me 4 fëmijë në mes të natës

Lidhur me këtë, një zëdhënës i distriktit të Plon pranon gabimin administrativ por nuk pranon kërkesën për kthim të përkohshëm të familjes.

“Schlesëig-Holstein magazine” është një program televiziv që transmetohet në kanalin gjerman NDR, që i ka kushtuar sërish emision historisë së familjes shqiptare, duke sjellë dëshmi të banorëve të komunitetit të cilët tregojnë se familja ishte integruar mjaft mirë në shoqërinë gjermane.