Flet Sami Lushtaku, tregon se a do të bëhet Haradinaj kryeministër dhe Veseli kryeparlamentar

Ish komandanti i UÇK-së, për zonën e Drenicës thotë se nuk ka dilema se kreu i AAK-së, Ramush Haradinaj do të jetë kryeministër i vendit.

Në një prononcim për ‘Indeksonline’, Lushtaku ka thënë se edhe PDK ka miqtë të saj në partitë tjera të cilët do t’i ndihmojnë në krijimin e qeverisë.

“Një gjë e di, qeveria do të bëhet sigurt dhe këtu nuk ka dilema. Kryeministër do të jetë Ramush Haradinaj.  Edhe ne i kemi miqtë tanë të shoh a do të na bashkohet dikush”, ka thënë Lushtaku.

Duke folur për kundërshtimin e kandidaturës se Kadri Veselit për kryetar të Kuvendit nga ana e Vetëvendosjes dhe LDK-së, Lushtaku ka thënë se Veseli beson dhe duhet të jetë kryetar i Kuvendit.

“Detyra e partive politike dhe e oponentëve politik është me ulë PDK-në, por kjo është e pamundur. PDK është parti e fortë dhe Kadri Veseli besoj dhe duhet të jetë kryetar i Kuvendit”, ka shtuar ai.

Sa i përket mundësisë qe AKR t’i bashkohet koalicionit PAN, ai ka thënë se Pacollin e ka mik të mirë, por ka thënë se miqësia nuk përzihet me këtë punë.

Krejt në fund, Lushtaku ka folur edhe për mundësinë qe t’i hyjë sërish garës për kryetar të Skenderajt.

“Ende nuk kam vendos. Me dëshirën time jo. Por, e kam thënë publikisht me dëshire iu kisha kthy familjes, por nëse është vendim i partisë unë jam në PDK dhe i respektoj vendimet e saj”, ka theksuar Lushtaku.

Sot, presidenti i AKR-së, Behgjet Pacolli ka zhvilluar një takim me mandatarin për kryeministër nga koalicioni PAN, Ramush Haradinajn. E, në një intervistë për televizionin publik, i pari i AKR-së, ka thënë se nuk mund ta mbaj vendin të bllokuar.