2 orë më parëFlet kandidati i Nismës: Më rrahu vëllai i ish-deputetes së PDK-së (Foto)
Periskopi(9 vite më parë)
(9 vite më parë)Beqir Veliu, bartës i listës për asamble komunale në Skënderaj nga Nisma për Kosovën është rrahur fizikisht nga dy persona. Ngjarja ka ndodhur mbrëmë pas mesnate. Indeksonline ka arritur të kontaktoi Veliun i cili akuzon PDK-në për sulmin e kryer. “Më kanë rrahur militantë të PDK-së të udhëhequr nga Lorik Dibra, vëllau i ish deputetes, […]
Beqir Veliu, bartës i listës për asamble komunale në Skënderaj nga Nisma për Kosovën është rrahur fizikisht nga dy persona. Ngjarja ka ndodhur mbrëmë pas mesnate.
Indeksonline ka arritur të kontaktoi Veliun i cili akuzon PDK-në për sulmin e kryer.
“Më kanë rrahur militantë të PDK-së të udhëhequr nga Lorik Dibra, vëllau i ish deputetes, Valbona Dibra. Ai më ka goditur me kondak të revoles. Kam dëmtime në kokë dhe më është dashur asistence mjekësore” ka thënë Veliu për Indeksonline.
I pyetur për arsyen që mund të ketë shpier deri te sherri me Dibrën, Veliu përmend lidhjen e tij me Nuredin Lushtakun dhe një rast nga zgjedhjet e kaluara.
“Unë kam qenë përfaqësues i Nismës në zgjedhjet e fundit në Skënderaj. Jam përpjekur të eliminoi çdo vjedhje dhe keqpërdorim të votave. Për këtë kam patur probleme edhe gjatë zgjedhjeve me këta persona pasi që pengoja dallaveret e tyre. Lorik Dibra e ka dajë Nuredin Lushtakun dhe fakti që unë jam me Nismën është pengesë për të” ka thënë Beqir Veliu për Indeksonline.
Rasti është në Policinë e Kosovës dhe po hetohet çdo detaj./Indeksonline/
