Finlandezët të parët, Kosova në vendin e pestë

Harta e evropianëve më “luftarakë” Madje tri shtete të Ballkanit, në mesin e tyre Kosova, Bosnja dhe Serbia, gjenden në mesin e dhjetë shteteve të para, qytetarët e të cilave janë shprehur të gatshme që të luftojnë për vendet e tyre, ndërsa në fund të listës rreshtohen shtetet e Evropës Perëndimore dhe Jugore.

Hulumtimi në nivel global, i bëri nga agjencia Gallup, dëshmoi se në vendin e parë rreshtohen finlandezët, pasi që 74 për qind prej tyre u shprehën se janë të gatshëm që të luftojnë për vendin e tyre. Në vendin e dytë u rreshtuan turqit, më 73 për qind, në pozitën e tretë ukrainasit, më 62 për qind, ndërsa në vendin e katërt rusët, më 59 për qind.

Kosova u rreshtua në vendin e pestë, me 58 për qind të të anketuarve që u shprehen të gatshëm për të luftuar, shkruan rtv21.tv Vendin e gjashtë me nga 55 për qind e ndajnë Bosnja dhe Suedia, pason Greqia më 54 për qind, ndërsa Serbia rreshtohet në vendin e dhjetë, më 46 për qind të serbëve që theksuan se janë të gatshëm për luftë. Sipas të dhënave të rezultatit, mund të shihet se gatishmëria e qytetarëve për të luftuar për shtetet e tyre bien nga lindja duke lëvizur drejtë Perëndimit dhe shtetet perëndimore rreshtohen në fund të listës së shteteve, qytetarët e të cilave janë të gatshëm që të luftojnë. Për luftë të gatshëm u shprehen vetëm 15 për qind të holandezëve, e në fund të listës rreshtohen edhe Gjermania, Belgjika, Italia, Spanja dhe Austria./21Media