2 orë më parëA është penduar Merkel për hapjen e dyerve ndaj refugjatëve?
Periskopi(9 vite më parë)
(9 vite më parë)Kancelarja gjermane, Angela Merkel, ka thënë sot se nuk pendohet për vendimin që e mori në vitin 2015 për t’i hapur kufijtë e vendit për qindra mijëra refugjatë. Në një intervistë me gazetën Welt am Sonntag, Merkel e mohoi se kishte bërë gabime në politikën e saj për dyert të hapura, edhe pse mbërritja e […]
Kancelarja gjermane, Angela Merkel, ka thënë sot se nuk pendohet për vendimin që e mori në vitin 2015 për t’i hapur kufijtë e vendit për qindra mijëra refugjatë.
Në një intervistë me gazetën Welt am Sonntag, Merkel e mohoi se kishte bërë gabime në politikën e saj për dyert të hapura, edhe pse mbërritja e një milioni refugjatëve në Gjermani në dy vitet e fundit nga Siria dhe Iraku hapi mosmarrëveshje të thella në partinë e saj konservatore dhe ia uli përkrahjen asaj.
“Do t’i merrja përsëri të gjitha vendimet e rëndësishme të vitit 2015,” ka thënë Merkel.
Ajo ka thënë se vendimet i kishte marrë bazuar në pikëpamje humanitare dhe politike.
“Ishte një situatë e jashtëzakonshme dhe unë i mora vendimet bazuar në atë që mendoja se ishte e drejtë nga pikëpamja humanitare dhe politike,” ka shtuar ajo.
