​Uragani i frikshëm shkakton viktimën e parë në Teksas

Lajmi është bërë i ditur nga prefekti i Rockport, Charles Wax, i cili nuk ka dhënë informata tjera mbi viktimën.

Fuqia e uraganit Harvey, i cili natën e kaluar goditi brigjet e Teksasit, është dobësuar duke rënë në nivelin e stuhisë tropikale, por ai edhe më tej është i pranishëm mbi këtë shtet amerikan.

Meteorologët paralajmërojnë se ditëve të ardhshme do të ketë vërshime të mëdha si pasojë e shirave.

Reuters sot ka bërë të ditur se fuqia maksimale e erës, të cilën e ka sjellë Harvey është dobësuar në 121 kilometra në orë dhe nëse bie nën këtë limit, do të kalojë në kategorinë e stuhisë tropikale.

Ndryshe, përgjatë bregut të Teksasit si pasojë e uraganit Harvey, kanë mbetur pa energji elektrike pothuajse 300.000 banorë.

Mediat amerikane shkruajnë se riparimet e dëmeve të shkaktuara nga uragani Harvey do të marrë me vite të tëra.