E frikshme: Njihuni me bombën nukleare më të re të SHBA’së

Pavarësisht që nuk paraqesin kërcënim të drejtpërdrejtë ndaj Rusisë, prova e fundit e bombës “do të thotë se amerikanët po përgatiten për luftë”, tha Glazunov.

Ai gjithashtu përmendi pozitën që luan lobi ushtarak i fuqishëm amerikan, i cili do të vazhdojë të prodhojë armë gjithnjë e më të reja në arsenalin e tyre ushtarak, raportoi “Sputnik International”, transmeton Periskopi.

“Versioni i përmirësuar i bombës B61 do të përdoret për të zëvendësuar pothuajse bombat 200 B61 që SHBA’ja tanimë i ka në Evropë. Amerikanët do të thonë se kjo është bërë kundër Iranit, por ka edhe Rusinë atje, apo jo?”, u shpreh me fjalë të tjera Glazunov.

Ai shtoi se testet e fundit të bombës bërthamore B61 gjithashtu mund të kishin për qëllim të trembnin Korenë e Veriut.

Glazunov tha se nuk mendon se amerikanët do të përdorin pikërisht këtë lloj bombe bërthamore kundër Koresë së Veriut.

“Megjithatë, kjo mund të jetë një përpjekje për të treguar se SHBA po zhvillon diçka të re për t’i trembur ata”, vazhdoi Glazunov.

Më 8 gusht, Shtetet e Bashkuara të Amerikës përfunduan një seri të dytë testesh fluturimi për një version të përmirësuar të bombës bërthamore të saj B-61, pas testeve të para në mars të këtij viti.

“Programi i zgjerimit të bombës B61-12 po përparon sipas planifikimit për të përmbushur kërkesat e sigurisë kombëtare”, tha Phil Calbos, zëvendës-administrator i NNSA’së për programet e mbrojtjes.

Sipas NNSA, njësia e parë e prodhimit të B61-12 është planifikuar të përfundojë në vitin 2020.

B61 është 3.58 metra e gjatë dhe peshon mes 320 kilogram dhe 500 kilogramë./Periskopi/