Diplomacia kosovare është në dorë të personit që nuk di të shkruajë (Foto)

Diplomacia kosovare ka përjetuar kapërcime të mëdha brenda këtyre katër viteve: fillimisht ishte në dorë të Hashim Thaçit i cili pasi u bë president u zëvëndësua nga Enver Hoxhaj dhe tash është në dorë të Emanuel Demaj.

Por përderisa Thaçi është kalibër tjetër si personalitet që ka mbajtur këtë post, Enver Hoxhaj dhe Demaj kanë diçka që nuk e përbashkët por krejtësisht e kundërt: kryediplomati i deritashëm ishte mburrur se është lexues i filozofëve të ndryshëm sikurse Jürgen Habermas apo Henry Kissinger, pasardhësi në “fronin” e kryediplomacisë kosovare është një politikan që nuk di të shkruajë.

Emanuel Demaj, sekretar i Partisë Shqiptare Demokristiane, ishte emëruar zëvendësministër i Punëve të Jashtme të Kosovës në gusht të vitit të kaluar. Në këtë pozitë ai erdhi pasi partia e tij është në koalicion me Partinë Demokratike të Kosovës ndërsa në këtë post ai e zëvendësoi ish-zëvendësministrin Petrit Selimi.

Një vit pas, Demaj është në krye të Ministrisë së Punëve të Jashtme. Por përderisa në krye të kësaj ministrie ishte politikani Enver Hoxhaj i cili në shumë postime në Facebook, është mburrur se lexon filozofi madje “dy deri në tre libra gjatë muajit”, Demaj ishte bërë tema mediale për një gjë krejtësisht tjetër; mungesën elementare të drejtshkrimit.

Në janar të këtij viti Demaj ishte bërë temë mediale pasi nuk kishte arritur që as tre rreshta t’i shkruaj pa gabime drejtshkrimore. Dhe jo gabime ‘teknike’, por gabime themelore.

E ky person nga e enjëta do të ketë në dorë disa procese të rëndësishme që lidhen direkt me Ministrinë e Punëve të Jashtme.

Kosova është në proces të anëtarësimit në INTERPOL një nga organizatat më të rëndësishme të sigurisë botërore, ku anëtarësimi i Kosovës në të varet direkt nga puna e Ministrisë së Punëve të Jashtme.

Nga puna dhe drejtimi i kësaj ministrie varet edhe procesi për aplikim për tu pranuar në organizatën e OKB-së për trashëgimi kulturore, UNESCO.

Mbi të gjitha punë e Ministrisë së Punëve të Jashtme janë edhe njohjet e reja të shtetit kosovar.

Tash të gjitha këto procese janë në dorë të dikujt që ka probleme elementare të drejtshkrimit.