2 orë më parëDëshmitarët akuzojnë policinë për ndryshim deklaratash
Periskopi(9 vite më parë)
(9 vite më parë)Skender Imeri, dëshmitar në gjykimin e aktivistëve të Vetëvendosjes për sulmin në Kuvend, të premten, teksa ka dëshmuar në gjykatë, është shprehur i sigurt në atë çka ka parë natën e sulmit, shkruan sot “Koha Ditore”. Ai ka thënë se ka parë pak. Një motoçikletë, ngjyra e së cilës nuk i kujtohet, dhe një ose […]
Skender Imeri, dëshmitar në gjykimin e aktivistëve të Vetëvendosjes për sulmin në Kuvend, të premten, teksa ka dëshmuar në gjykatë, është shprehur i sigurt në atë çka ka parë natën e sulmit, shkruan sot “Koha Ditore”.
Ai ka thënë se ka parë pak. Një motoçikletë, ngjyra e së cilës nuk i kujtohet, dhe një ose dy persona mbi atë motoçikletë. Kur i është kërkuar që ta precizojë se a ishin një apo dy persona, ai ka thënë se nuk e di me siguri.
Por, sipas procesverbalit të policisë, të tjera fjalë ka thënë në polici kur në gushtin e vitit të kaluar ishte intervistuar si dëshmitar. Atëkohë, sipas procesverbalit të intervistës, ai i kishte përshkruar me siguri të plotë se ishin dy persona mbi motoçikletë.
“Kam qenë në ndërrimin e natës dhe kam qenë afër një shitore te shkolla ‘Elena Gjika’, ku pastaj kam dëgjuar një krismë dhe jam nisur në drejtim të vendit të punës”, tha Imeri.
Imeri tha se e ka parë një motor duke lëvizur në drejtim të kundërt me të, ndërsa në të ishin të vendosur dy persona por nuk ishte shumë i sigurt.
Imeri gjatë dëshmisë së tij tha se deklaratën që e kishte dhënë në polici nuk e kishte lexuar sepse nuk kishte pasur syze, ndërsa policët nuk ja kishin lexuar sepse tha se kishin qenë për ngutë.
