Deklarata e fundit e Trump mbi raketat e Koresë Veriore të hedhura mbi Japoninë

“Bota ka marrë mesazhin e fundit të Koresë së Veriut me zë të lartë dhe të qartë: ky regjim ka dhënë një sinjal duke i përbuzur fqinjët e saj, të gjithë anëtarët e Kombeve të Bashkuara si dhe është nën standardet më mininale të sjelljeve të pranueshme ndërkombëtare”, tha Trump të martën duke iu referuar raketave balisitike të lëshuara mbi Japoninë nga Korea Veriore.

“Veprimet kërcënuese dhe destabilizuese vetëm rrisin izolimin e regjimit të Koresë së Veriut në rajon dhe midis të gjitha kombeve të botës. Të gjitha opsionet janë në tryezë”, shtoi Trump.

Komentet vijnë vetëm disa orë pasi Trump mbajti një telefonatë 40 minutëshe me kryeministrin japonez Shinzo Abe pas lëshimit të raketave nga Korea Veriore, raportoi “Russia Today”, transmeton Periskopi.

Kryeministri japonez shtoi se udhëheqësit amerikanë dhe japonezë janë “të përkushtuar ndaj rritjes së presionit ndaj Koresë së Veriut dhe duke bërë çmos për të bindur bashkësinë ndërkombëtare që të bëjë të njëjtën gjë”.

Trump gjithashtu theksoi gjatë bisedës telefonike me kryeministrin japonez se Uashingtoni është “100 për qind me Japoninë”.

“Tani që SHBA ka shprehur haptazi qëllimin e saj armiqësor ndaj Republikës Popullore Demokratike të Koresë, duke bërë stërvitje ushtarake të përbashkëta agresive, pavarësisht paralajmërimeve të përsëritura … vendi im ka çdo arsye për t’u përgjigjur me masa kundërshtuese të ashpra, si një ushtrim i së drejtës për vetë-mbrojtje”, tha Han Tae Song, ambasadori i Koresë së Veriut në OKB, në konferencën e OKB-së të mbajtur për çarmatim./Periskopi/