Cili është gazetari që i shkoi në zyrë Mustafës dhe i tregoi se çfarë e pret djalin e tij?

Në rrëfimin e sotëm të kryeministrit në detyrë dhe kryetarit të LDK-së, Isa Mustafa, ku hedh akuza prej më të ndryshmeve drejt partive politike e ambasadorëve për kohën sa ai ishte në krye të Prishtinës dhe si kryeministër, përmendet edhe një gazetar që i kishte shkuar në zyrë Mustafës.

Mustafa, sot në Facebook ka shkruar se një gazetar i kishte trokitur në derë, siç thotë ai, për ta informuar se një prokuror i Prokurorisë Speciale kishte vendosur ta ndjek penalisht djalin e tij, Besniku, vetëm se është djali i kryeministrit, shkruan Periskopi.

Mustafa nuk specifikon më shumë se gazetari që i ka ofruar këtë informacion, është drejtues portali.

Ai thotë se 7 vite ia mbajtën djalin nën hetime dhe në fund e shpallën të pafajshëm.

“Më pat ardhur në zyrë një gazetar, pronar i një portali të tanishëm, dhe më tha që e ndjen për obligim të më njoftojë se një prokuror i Prokurorisë Speciale, me emër e mbiemër, i kishte rrëfyer se ka vendosur të ndjek djalin tim dhe se i ka thanë atij se nuk ka elemente për ndjekje penale , por pa marrë parasysh nuk do ta lë pa e burgosur, pasi është djali i Isa Mustafës. Në fakt ma mbajtën Besnikun, djalin tim, 7 vjet nën hetime e gjyqe, e qitën në ballinat e të gjitha gazetave dhe ekranet televizive, gjithnjë si djalin e Kryetarit të Komunës së Prishtinës dhe më vonë të Kryeministrit të Kosovës dhe në fund e shpallën të pafajshëm”, ka shkruar Mustafa ai. /Periskopi/