7 orë më parëCilat shtete mbështesin Korenë e cilat Amerikën në rast lufte?
Periskopi(9 vite më parë)
(9 vite më parë)Ditëve të fundit është shënuar një rritje e një konflikti të mundshëm mes Koresë Veriore dhe Shteteve të Bashkuara të Amerikës. Në rast të një luftë të mundshme mes këtyre shteteve, Korea Veriore ka gjetur një mbështetës, por a mundet që Gjermania dhe anëtarët e tjerë të NATO-s të detyrohen të luftojnë për Trump-in? Mes […]
Mes rritjes së diskutimit të mundësisë së konfliktit të hapur mes Shteteve të Bashkuara të Amerikës dhe Koresë së Veriut, vendet kanë filluar të afirmojnë pozicionet e tyre në rast se dhuna shpërthen në Gadishullin Korean apo diku tjetër.
Për momentin Koreja e Veriut ka gjetur mbështetësin e saj atë të Kinës, por me disa kushte.
“Nëse ShBA dhe Koreja e Jugut kryejnë sulme dhe përpiqen të përmbysin regjimin e Koresë së Veriut dhe të ndryshojnë sistemin politik në Gadishullit Korean, Kina do t’i ndalojë ata”, thuhet në një artikull të Global Times.
Megjithatë, artikulli në fjalë nuk rekomandon një mbështetje gjithëpërfshirëse të Pekinit për Phenianin në të gjitha rrethanat e mundshme.
Kryeministri australian Malcolm Turnbull tha të premten për radio stacionin Melbourne 3AW se Uashingtoni “nuk ka aleat më të fortë se Australia”, raportoi “Deutsche Welle”, transmeton Periskopi.
Roh Jae-cheon, zëdhënësi i shefit të Shtabit të Lidhjeve të Koresë së Jugut, tha të enjten se Uashingtoni dhe Seuli janë të përgatitur që të “dënojnë menjëherë dhe në mënyrë të ashpër” provokimet nga Pheniani.
Ndërsa zyrtarët gjermanë kanë paralajmëruar për “situatën shumë serioze” që po zhvillohet midis aleatëve të saj dhe Koresë së Veriut, Berlini ende nuk e ka konfirmuar për një mbështetje ndaj Amerikës.
Me fjalë të tjera për momentin si përkrahës në rast të një lufte ndërmjet Koresë Veriore dhe Amerikës, Kina do e mbështesë Korenë Veriore.
Në anën tjetër Amerikën deri më tash si mbështetës të fortë e ka Korenë Jugore, Japoninë dhe Australinë./Periskopi/
