Arabia Saudite e rihap kufirin me Katarin për t’i lejuar pelegrinët myslimanë të marrin pjesë në haxhillëk

Mbreti Salman i Arabisë Saudite ka urdhëruar rihapjen e kufirit tokësor me Katarin për ta lehtësuar pelegrinazhin vjetor të haxhillëkut, sipas mediave shtetërore.

Kjo është parë si një shenj e zbutjes së krizës më të keqe diplomatike në rajon në vitet e fundit.

Pika kalimtare “Salwa” ishte mbyllur pasi Arabia Saudite, bashkë me Egjiptin, Bahrejnin dhe Emiratet e Bashkuara Arabe, i ndërprenë marrëdhëniet diplomatike dhe tregtare më 5 qershor, duke e akuzuar atë për përkrahje të grupeve ekstremiste islamike.

Njoftimi për ta rihapur kufirin për pelegrinët nga Katari vjen pasi princi i kurorës i Arabisë Saudite, Mohammed bin Salman, e priti në një takim një të dërguar të Katarit, sipas agjencisë së lajmeve saudite, në atë që ishte takimi i parë publik i nivelit të lartë mes dy vendeve që nga shpërthimi i krizës./Express/