Albin Kurti ftohet për ligjëratë nga Insituti Norvegjez, nuk mbetet asnjë ulëse e lirë

Kandidati për kryeministër të Kosovës, Albin Kurti është i ftuari i Institutit Norvegjez për Politikë të Jashtme që të ligjërojë mbi Kosovën dhe ndryshimet politike në vend.

Aktivisti i Vetëvendosjes, Arbër Zaimi ka shkruar në Facebook për ftesën që ka pranuar Kurti. Ai thotë se ulëset në sallën ku do të ligjërojë Kurti janë zënë të gjitha dhe më nuk ka asnjë vend të lirë.

“Albin Kurti është ftuar të ligjërojë në Institutin Norvegjez për Politikë të Jashtme, i cili është institucion shtetëror, i cili studion dhe hulumton qysh prej më se 50 vitesh çështje me rëndësi për diplomacinë dhe politikën e jashtme norvegjeze. Tashmë nuk ka më asnjë vend të lirë në audiencë për ligjëratën e Kurtit, e cila ka qenë e rezervuar për studiues e njerëz të botës akademike e diplomacisë. Megjithatë do të jetë një rast i mirë për të shprehur çështjen shqiptare e atë të Kosovës përballë një audience të specializuar në një vend si Norvegjia, e cila ka një shërbim diplomatik me impakt global”, ka shkruar Zaimi.

Ligjërata e Kurtit do të mbahet nesër në ora 12:30.