4 orë më parëAgim Bahtiri: Kosova prej sot në krizë të thellë, ja si duhet të veprojmë
Periskopi(9 vite më parë)
(9 vite më parë)Menjëherë pas përfundimit të seancës, ku as sot nuk është zgjedhur kryetari i Kuvendit dhe nënkryetarët, ka reaguar Agim Bahtiri kryetari i Mitrovicës, përmes një statusi në Facebook. Ai ka vazhduar me atë që ka thënë dje se AKR-ja, ashtu siç ka theksuar dje ka vepruar edhe sot, që nuk do ta votojë koalicionin PAN, […]
Menjëherë pas përfundimit të seancës, ku as sot nuk është zgjedhur kryetari i Kuvendit dhe nënkryetarët, ka reaguar Agim Bahtiri kryetari i Mitrovicës, përmes një statusi në Facebook.
Ai ka vazhduar me atë që ka thënë dje se AKR-ja, ashtu siç ka theksuar dje ka vepruar edhe sot, që nuk do ta votojë koalicionin PAN, shkruan Periskopi.
Sipas tij,opsioni më i mirë për Kosovën është krijimi i një qeverie gjithëpërfshirëse me mandat të kufizuar, ku më pas do të mbaheshin zgjedhje e reja.
Statusi i plotë i Agim Bahtirit në Facebook:
“Kur dje deklarova se AKR-ja nuk do ta votoj propozimin e koalicionit PAN, kishte shumë reagime duke pretenduar se do të ndodhte e kundërta. Sikurse që kam thënë tash e dy muaj, kjo u vërtetua edhe sot, se AKR-ja nuk do ta votoj koalicionin PAN.
Pas seancës së sotme Institucionet e Kosovës, e veçanërisht Kuvendi ka hyrë në krizë të thellë, andaj i ftoj partitë politike që të ulen dhe të gjejnë një zgjidhje për tejkalimin e kësaj situate.
Opsioni më i mirë për Kosovën është krijimi i një qeverie gjithëpërfshirëse me mandat të kufizuar, ku më pas do të mbaheshin zgjedhje e reja. Duhet qeveri gjithëpërfshirëse, sepse Kosovën e presin vendime të mëdha në muajt e ardhshëm, prandaj duhet të jemi të bashkuar për t’i përballuar këto sfida.AB
