6 orë më parëAbdixhiku: PAN-i po kontrabandon pa fije marre, kërkoi dy orë mori dy muaj
Periskopi(9 vite më parë)
(9 vite më parë)Deputeti i LDK-së, Lumir Abdixhiku ka thënë se koalicioni PAN kërkoi dy orë që të paraqes kandidaturën për kryetar Kuvendi, por mori 2 muaj. Sipas Abdixhikut, PAN-i po blen ende kohë për të kontrabanduar deputetët, për të bërë numrat e nevojshëm për themelimin e Qeverisë së re, shkruan Periskopi. Deputeti thotë se PAN do të […]
Deputeti i LDK-së, Lumir Abdixhiku ka thënë se koalicioni PAN kërkoi dy orë që të paraqes kandidaturën për kryetar Kuvendi, por mori 2 muaj.
Sipas Abdixhikut, PAN-i po blen ende kohë për të kontrabanduar deputetët, për të bërë numrat e nevojshëm për themelimin e Qeverisë së re, shkruan Periskopi.
Deputeti thotë se PAN do të vazhdojë kështu “pa marre e pa fije përgjegjësie derisa kontrabanda të kryej punë”.
Komenti i plotë:
Kushtetuta e Republikës nuk është ndërtuar në frymën e bllokadës e sabotimit. Kushtetuta nuk është ndërtuar me idenë se grupe kapësish një ditë do të provojnë me çdo kusht bllokimin e gjithë Republikës për teke personale – edhe kur s’i kanë votat, edhe kur s’i pranon askush për partner. Niveli i kreativitetit për mbrapshti nga kapësit e PAN, tejkalon secilin përshkrim në secilin dokument juridik që Kosova mund të kishte ndonjëherë. Nuk ka Kushtetutë që mund të rregullojë këtë mbrapshti të tyre.
Ata i kërkuan 2 orë, i morën 2 muaj, dhe sërish vazhdojnë të blejnë kohë për të ushtruar presion për kontrabandë. Do të vazhdojnë kështu pa marre e pa fije përgjegjësie deri sa kontrabanda të bëj punë. Edhe sot teksa flasim e presim, ndërmjetësues pazaresh shtrojnë votat e qytetarëve nëpër tavolinat e kafeneve. Kjo më nuk i përngjanë sjelljes prej shteti.
Sot është obligim patriotik i secilit dashamirë të Republikës që të refuzojë këtë formë të politikëbërjes. Ne nuk guxojmë që standardet e shitblerjes t’i pranojmë si mjete institucionale e normale. Blerja e kohës e bllokada për pazare tenderësh s’janë normale.
Sot, grupi ynë parlamentar, ai i LAA-së, organizoj një tryezë për gjetje të zgjidhjes politike. Ftesës për tryezë ju përgjigjën përfaqësues të LVV, anëtarë të shoqërisë civile e nga akademia. Shpresojmë se kjo nismë e përbashkët e jona të shërbejë për ndërtimin e presionit publik që refuzon kontrabandën, bllokadën e papërgjegjësinë politike. Shpresojmë që kjo shoqëri e jona të refuzojë kapjen në ditët më aktive të saj, e në ditët më të rëndësishme për Kosovën, të ndërtojë frontin anti-PDK.
