4 orë më parëYmeri ia shuan shpresat Haradinajt: Takohemi pasi të dalësh nga PAN
Periskopi(9 vite më parë)
(9 vite më parë)Kryetari i Lëvizjes Vetëvendosje Visar Ymeri, ka komentuar letrën e Ramush Haradinajt për takim, për të cilën thotë se ajo është e paqartë. Mirëpo, Ymeri thotë se nëse Haradinaj fton VV’në për mundësitë e bashkëpunimit për qeverisje, ai takim do të mund të pranohej, vetëm nëse ndodh nga Haradinaj nga pozita e kryetarit të AAK’së, […]
Kryetari i Lëvizjes Vetëvendosje Visar Ymeri, ka komentuar letrën e Ramush Haradinajt për takim, për të cilën thotë se ajo është e paqartë.
Mirëpo, Ymeri thotë se nëse Haradinaj fton VV’në për mundësitë e bashkëpunimit për qeverisje, ai takim do të mund të pranohej, vetëm nëse ndodh nga Haradinaj nga pozita e kryetarit të AAK’së, e jo nga PAN.
Në reagimin e Ymerit të postuar në Facebook, thuhet:
Sot kam pranuar një letër prej Kryetarit të Aleancës për Ardhmërinë e Kosovës, Ramush Haradinajt. Prej letrës së tij, kuptohet që z. Haradinaj dëshiron takim, por nuk është i qartë qëllimi i këtij takimi. Nëse është fjala për koordinimin e mbledhjes së parë të Kuvendit ky nuk është roli e as detyra e z. Haradinaj. Duke qenë vetëm njëri prej deputetëve të legjislaturës së gjashtë Z. Haradinaj nuk e ka rolin e koordinimit dhe konsultimit per mbledhjen e parë.
Në qoftë se z. Haradinaj po na fton për të diskutuar mundësinë e bashkëpunimit për qeverisje ai takim mund të pranohet vetëm kur ftesa bëhet nga pozita e kryetarit të AAK dhe pasi të dalë prej PAN-it.
