3 orë më parëXhavit Drenori ka disa fjalë për shokët e Adem Grabovcit që i shkuan në dasmën e djalit
Periskopi(9 vite më parë)
(9 vite më parë)Anëtari i Lëvizjes Vetëvendosje, Xhavit Drenori ka komentuar dasmën e djalit të Adem Grabovcit të PDK-së, duke thënë se po të ishte Kosova një shtet ligjor, ai do të ishte duke u përballur me proces gjyqësor. Ai ka shkruar se në ahengun familjar të kryepersonazhit të aferës ‘Pronto’ kanë marrë pjesë figura të larta […]
Anëtari i Lëvizjes Vetëvendosje, Xhavit Drenori ka komentuar dasmën e djalit të Adem Grabovcit të PDK-së, duke thënë se po të ishte Kosova një shtet ligjor, ai do të ishte duke u përballur me proces gjyqësor.
Ai ka shkruar se në ahengun familjar të kryepersonazhit të aferës ‘Pronto’ kanë marrë pjesë figura të larta politike, duke aluduar tek Ramush Haradinaj e Kadri Veseli.
Ai thotë se në një vend tjetër, ndaj një personi të tillë, me afera do të distancoheshin të gjithë figurat politike e shokët e afërt.
Ai ka përkujtuar edhe faktin që djali i Grabovcit e kishte rrahur një polic të Kosovës, duke shtuar se kjo elitë politike po e inkurajon krimin në këtë vend.
Ja shkrimi i plotë:
Po te ishte Adem Grabovci në një shtet ku “veq pak” funksionon shteti ligjor, do ishte duke u përballur me proces gjyqësor (në paraburgim, në burg të sigurisë së lartë).
Madje procesi gjyqësor kundër tij do ishte atraktiv dhe më i mbuluari nga mediat për shkak të ndjeshmërisë dhe përfshirjes së figurave të larta politike në aferën e përgjimeve, të ashtuquajtur “pronto”.
Por jemi në Kosovë (gjeografikisht në Afrikë), dhe ahengun familjar të kryepersonazhit të aferës “pronto”, ku qartë preken dëmet që i’a kanë bërë shtetit tonë me punësime klinetele, pa kurfarë kriteri profesional (posta në falimentim, bordet e ndërrmarrjeve publike ma paga të majme, pa rezultate), do të marrin pjesë me krenari figurat më të larta të shtetit.
Nga një Adem Grabovc në Gjermani do distancoheshin të gjitha figurat politike, madje edhe “shokët” e tij të afërm (për të shpëtuar fytyrën e tyre), dhe shoqëria do priste dënimin e merituar nga një proces gjyqësor transparent dhe i shpejtë.
PS.: Ah se harrova, nuk e di a bëhet fjalë për martesën e ndonjërit nga djemtë e tij që patën rrahur policin gjatë ushtrimit të detyrës nga ky i fundit!
Nëse po, atëherë kjo “Elitë politike” definitivisht po e inkurajon krimin në këtë vend dhe si e tillë është po aq e rrezikshme sa edhe vetë sistemi i Sllobodan Millosheviçit gjatë viteve të 90-ta!/Periskopi/
