Thaçi në mediat serbe, kërkon pajtimin e Serbisë me Kosovën

Presidenti Hashim Thaçi duke komentuar mbi pritjet e dialogut mes Beogradit dhe Prishtinës në Bruksel, në një intervisë për Tanjug, ka thënë ka shprehur besimin se shumë shpejt do të arrijnë marrëveshje historike për normalizimin e marrëdhënieve dhe pajtimit ndërmjet Kosovës dhe Serbisë, qëllimi përfundimtar i të cilit është “njohja e realitetit, transmeton Indeksonline.

“Kjo nuk është në të mirë timen apo për presidentin Vuçiç, por do të jetë e mirë për Kosovën dhe Serbinë. Ne kemi fat të paguajmë një çmim politik për hir të një të ardhme më të mirë për gjeneratën e ardhshme “, ka thënë Thaçi, i cili pretendon se serbët e Kosovës besojnë në institucionet e Kosovës.