7 orë më parëTërmeti bën kërdi në Turqi dhe Greqi (Foto dhe Video)
Periskopi(9 vite më parë)
(9 vite më parë)Një tërmet i llojit cunami goditi ishujt grek në mëngjesin e së premtes duke dëmtuar shumë objekte banuese dhe një port. Raportohen të paktën dy të vrarë dhe më shumë se 100 të lënduar. Ishulli i Kos-it ishte më i goditur nga tërmeti duke shkaktuar vdekjen e dy personave si dhe dëmeve materiale të shumta […]
Ishulli i Kos-it ishte më i goditur nga tërmeti duke shkaktuar vdekjen e dy personave si dhe dëmeve materiale të shumta të ndërtesave.
“Pjesët tjera të ishullit nuk janë shumë të prekur nga tërmeti. Vetëm qyteti kryesor ka qenë më shumë i prekur nga tërmeti” u shpreh kryebashkiaku i Kos-it Giorgos Kyritsis për mediat shtetërore greke. “Objektet e vjetra ishin më të prekura nga tërmeti”, shtoi Kyritsis.
Ekipet e shpëtimit kanë arritur në vendin e ngjarjes duke i shpëtuar njerëzit të cilët janë bllokuar në shtëpitë e tyre.
Kyritsis gjithashtu tha se ushtria u mobilizua së bashku me shërbimet emergjente, raportoi mediumi britanik “Metro”, transmeton Periskopi.
Zyrtarët greke deklaruan se tërmeti ishe i magnitudës 6.5. Epiqendra e saj ishte gjashtë milje në jug të Bodrum-it të Turqisë dhe 10 milje në very-lindje të Kos-it.
Në anën tjetër zyrtarët turq u shprehën se tërmeti kishte një madhësi prej 6.4 dhe janë regjistruar më shumë se 20 tërmete.
Sipas vlerësimeve fillestare, zyrtarët turq deklaruan se nuk ka pasur viktima./Periskopi/
