‘Surprizë e hidhur’ për BE-në: Italianët lënë një mesazh të paharrueshëm (Video)

Një mesazh i fuqishëm mbi krizën e emigrantëve është shfaqur papritur në një fushë të Veronës në Italinë fqinje.

Imazhet mbresëlënëse nga ajri dhe toka tregojnë se dikush ka vizatuar një anije gjigante sipër të cilës është shkruar ‘Afrika’.

Pranë saj është vendosur një shkrim gjigant  që lexon: ‘Ndaloni BE-në!’.

Krijuesi, Dario Gambarin, është shprehur se e gjithë kjo vepër është bërë me një traktor, plug, dhe karrocë.

Gambarin se qëllimi i ti ishte t’i jepte një mesazh të fuqishëm Evropës: Duhet gjetur një zgjidhje e përbashkët për krizën e emigrantëve, shkruan “RT”, përcjell “Syri.net”.

“Problemi i emigrantëve nga Afrika prek të gjithë Evropën por vetëm Italia po kërkon zgjidhje të strukturuara,” tha ai.

Vizatimi përfshinte gjithashtu edhe frazën “Ius Soli No” , e cila ishte shkruar nën anije, një referencë ndaj ligjit të propozuar kombëtar i cili do t’i jepte nënshtetësinë italiane emigrantëve të brezit të dytë të lindur në vend

Aktualisht, fëmijët e emigrantëve duhet të presin deri në moshën 18 vjeçare për të aplikuar për nënshtetësinë italiane.

Ky ligj i ri do t’i jepte shtetësinë foshnjave të huaja të lindura në tokën italiane dhe fëmijëve që kanë kaluar së paku pesë vjet në sistemin shkollor italian.