Shpërthejnë protestat në Rusi: Kundër cenzurës në internet (Foto)

Demonstra e cila u shtri midis stacionit të metrosë “Pushkinskaya” dhe “Saharov Prospekt” u organuzua të dielën kundër censurës në internet, dhe ata kërkuan “përjashtimin e rusëve të ndjekur penalisht për publikimin e përmbajtjeve në internet”.

Demonstruesit bërtisnin: “Jo censurë, jo diktaturë” dhe “Posht shteti i policisë”. Në slloganin e disa demonstruesve shkruhej “Rusinë pa Putinin dhe pa cenzurë”.

Faqja e internetit OVDInfo, e cila vëzhgon arrestimet e aktivistëve politikë, tha se tre persona ishin arrestuar, dhe një tjetër ishte arrestuar për shpërndrajen e materialeve propaganduese për udhëheqësin opozitar, Alexei Navalny.

Demonstruesit gjithashtu kërkuan lirimin e matematicienit Dmitry Bogatov, i cili u arrestua për akuzat rreth organizimit të trazirave dhe pretendimin për thirrje për terrorizëm nëpërmjet internetit.

Ata gjithashtu kërkuan dorëheqjen e shefit të “Roskomnadzor”, cenzuruesi i shtetit.

Autoritetet e qytetit lejuan deri në 10,000 njerëz që të mblidheshin për marshimin. Një gazetar për agjencinë franceze të lajmeve AFP vlerësoi pjesëmarrjen 1,000 deri në 1,500. Sipas policisë, numri i demonstruesve ishte 800.

Shteti rus kohët e fundit ka ndalur disa kompani që veprojnë në vend, duke përfshirë LinkedIn dhe Telegram dhe kufizime në përdorimin e rrjeteve virtuale private (VPN).

Në prag të protestave, legjislativi i shtetit miratoi një projekt-ligj që ndalon përdorimin e anonimistëve dhe shërbimeve VPN që lejojnë qasje në burimet e internetit.

Organizata për të drejtat e njeriut publikoi një raport javën e kaluar duke dënuar veprimin e shtetit rus që cenzuron internetin, duke u shprehur se autoritetet ruse kanë “intensifikuar një goditje ndaj lirisë së shprehjes vitet e fundit”./Periskopi/