5 minuta më parëShala: Asnjë parti s’mund ta kushtëzojë PDK’në për postin e kryeparlamentarit
Periskopi(9 vite më parë)
(9 vite më parë)Njohësi i proceseve politike në vend, Behxhet Shala, ka vlerësuar se për postin e kryetarit të Kuvendit asnjë parti nuk mund ta kushtëzojë Partinë Demokratike të Kosovës. Në një intervistë për gazetën “Epoka e re”, ai ka thënë se është në interesin e Lëvizjes Vetëvendosje! dhe të koalicionit LDK-AKR-Alternativa që të lejohet zgjedhja e kryeparlamentarit […]
Njohësi i proceseve politike në vend, Behxhet Shala, ka vlerësuar se për postin e kryetarit të Kuvendit asnjë parti nuk mund ta kushtëzojë Partinë Demokratike të Kosovës.
Në një intervistë për gazetën “Epoka e re”, ai ka thënë se është në interesin e Lëvizjes Vetëvendosje! dhe të koalicionit LDK-AKR-Alternativa që të lejohet zgjedhja e kryeparlamentarit për t’i hapur rrugë formimit të Qeverisë së re.
Sipas Shalës, këmbëngulja e LV-së dhe koalicionit LAA për ta kushtëzuar PDK-në rreth propozimit për kryeparlamentar mund ta çojë vendin në zgjedhje të reja.
Ai ka theksuar se PDK-ja nuk duhet të tërhiqet nga kandidatura e Veselit për kryeparlamentar, pasi kjo parti ka bërë një sakrificë të madhe duke u tërhequr nga pozita e kryeministrit. Shala ka thënë se nëse PDK-ja e bën edhe këtë lëshim, do të degradohet skajshmërisht si subjekt serioz politik.
