Selami: Këto janë aryset pse PD vazhdon të humbasë

Eduart Selami deklaroi se Partia Demokratike po shkon nga humbja në humbje, pasi ka braktisur çështje të ndjeshme si ajo e pronave, ose ish-të përndjekurit politikë.

Në takimet me strukturat e Qarkut të Tiranës, Selami u shpreh se platforma e tij synon të rikthejë të djathtën në identitet. Sipas kandidatit për kryetar të PD-së, kjo nis nga bërja e një analize të sinqertë, pasi siç u shpreh ai, gabimi nuk duhet gjetur tek të tjerët, por tek vetja për të pasur sukses.

“Është koha për një analizë të sinqertë, dhe ti shikojmë gjerat në sy. Nuk mjafton të shohim çfarë bën kundërshtari, kundërshtari atë punë ka. I përkas atij grupi që kur diçka nuk shkon, gabimin e gjej të vetja. Njerëzit që shikojnë në dritare për të fajësuar të tjerët, nuk janë ata që ecin përpara dhe kanë sukses”, – u shpreh Selami, i cili pranon se gara me kryetarin e ngrirë, Lulzim Basha nuk është e barabartë.

Eduart Selami duket i bindur se në zgjedhjet për kryetar të PD-së do të fitojë modeli bashkëkohor i lidershipit, që sipas tij Shqipëria nuk e ka.

Për Selamin, thelbësor është bashkimi dhe ringritja e Partisë Demokratike.

“Unë jam i bindur që në këto zgjedhje do fitoi modeli bashkëkohorë i lidershqipit që fatkeqësisht Shqipëria e ka humbur. Po kaq ka rendësi që nga ky proces të dalim të bashkuara të ringrihemi, kundërshtari nuk është mes nesh”, – u shpreh Selami./LAPSI.AL/