Protestuesit e kallin Venezuelën (Foto)

Përleshjet mes policisë dhe protestuesve ishin shumë të ashpra duke lënë tre veta të vdekur në radhët e protestuesve, si dhe raportohen më shumë se 300 protestues të arrestuar nga policia venezuelane.

Presidenti i Venezuelës Nicolas Maduro tha se greva ishte e vogël dhe se udhëheqësit e saj do të arrestoheshin.

Që nga prilli, kur protestat e opozitës janë masivizuar, kanë vdekur pothuajse 100 persona në të gjithë vendin.

Protestuesit bllokuan rrugët e kryeqytetit të Caracas-it me mbeturina dhe mobile, një rast i ngjashëm theksohet se ka ndodhur edhe në qytetet të tjera. Por, në zonat ku dominon forca pro-qeveritare të kryeqytetit, jeta vazhdoi si zakonisht, me dyqane të hapura dhe në rrugë e cila ka mbizotëruar qetësia.

Në disa qytete, policia u hodhi gaz lotsjellës protestuesve. Në këto përleshje, është raportuar se në periferi të Caracas-it është vrarë një dhe dy të tjerë kanë gjetur vdekjen në qytetin verior të Valencias, raportoi “BBC”, transmeton Periskopi.

Shtetet evropiane si Franca dhe Spanja dhe në anën tjetër shteti amerikan i ka kërkuar qeverisë venezuelane të anulojë votën për një asamble të re përbërëse më 30 korrik.

Por, Maduro ka hedhur poshtë thirrjet.

“Puna, dashuria, jeta dhe shpresa ka triumfuar, ata (opozita e Venezuelës) të cilët kurrë nuk kanë punuar, le të vazhdojnë të mos punojnë, ne po ecim përpara shokë”, u shpreh Maduro.

Politikanët e opozitës thonë se zoti Maduro dëshiron ta përdorë asamblenë e re për ta forcuar veten në pushtet, ndërsa presidenti argumenton se një kushtetutë e re do të nxisë dialogun rreth çështjeve që janë polarizuar kohët e fundit.

Ndërkohë, Isaias Medina, një diplomat i lartë që përfaqëson vendin e Venezuelës në OKB, dha dorëheqjen duke thënë se nuk mund të përfaqësonte më qeverinë për shkak të abuzimeve me të drejtat e njeriut.

Por në anën tjetër Ambasadori i Venezuelës në OKB, Rafael Ramirez, tha se Medina kishte vepruar “pandershmërisht” dhe ishte shkarkuar./Periskopi/