4 orë më parëProkurori i Përgjithshëm i SHBA-së thotë se do ta mbajë postin
Periskopi(9 vite më parë)
(9 vite më parë)Prokurori i Përgjithshëm i SHBA-së, Jeff Sessions, ka thënë sot se do të vazhdojë ta mbajë këtë post, një ditë pasi presidenti Donald Trump e qortoi atë pse e kishte përjashtuar veten nga hetimi ndaj përzierjes ruse në zgjedhjet presidenciale 2016 në SHBA. Sessions ka thënë sot se ai do të mbesë në këtë post […]
Prokurori i Përgjithshëm i SHBA-së, Jeff Sessions, ka thënë sot se do të vazhdojë ta mbajë këtë post, një ditë pasi presidenti Donald Trump e qortoi atë pse e kishte përjashtuar veten nga hetimi ndaj përzierjes ruse në zgjedhjet presidenciale 2016 në SHBA.
Sessions ka thënë sot se ai do të mbesë në këtë post për aq gjatë një gjë e tillë të jetë e përshtatshme.
Ish-senator nga Alabama, Sessions ishte njëri prej përkrahësve më të hershëm të Trumpit dhe u bë Prokuror i Përgjithshëm në shkurt të këtij viti.
Pas një muaji, ai dha dorëheqje nga hetimi i udhëhequr nga Departamenti i Drejtësisë pasi u mësua se ai nuk kishte treguar se kishte takime me ambasadorin rus në SHBA.
Dje, Trump tha për New York Times se kurrë nuk do ta kishte zgjedhur Sessions Prokuror të Përgjithshëm sikur ta dinte se ai do ta përjashtonte veten nga rasti.
Trump e ka quajtur atë si shumë të padrejtë ndaj tij.
