Prodhuesve të nikelit ju rritet buxheti shkaku i makinave elektrike

Megjithë rënien e vazhdueshme të çmimeve të nikelit gjatë viteve të fundit, shumë analistë presin që të ndodhë e kundërta për shkak të popullaritetit të makinave elektrike që kanë shënuar rritje të madhe kohët e fundit.

Norvegjia u bë vendi i parë në të cilin shitjet e automjeteve elektrike ia kaluan ato të makinave të zakonshme, dhe shumë vende pritet që të ndjekin këtë trend.

Krahas litiumit, kobaltit dhe manganit, nikeli është një komponent i rëndësishëm i baterive të makinave elektrike.

Një makinë e vetme Tesla thuhet se përmban 63 kilogramë nikel.

Prandaj, shpresat për shumë prodhues të nikelit janë të larta pas shumë viteve të vështira që ata kishin kaluar.

Vende e botës si Filipinet, Rusia, Kanadaja, Australia dhe Indonezia janë kryesoret për prodhimin e nikelit.

Depozitat më të mëdha të nikelit në Evropë gjenden në Finlandë.

“Sot, rreth 70 për qind e prodhimit global të nikelit përdoret për prodhimin e çelikut “inox”, por kërkesa është duke u rritur. Përafërsisht 5 për qind e nikelit përdoret aktualisht për bateritë e makinave, por sipas analistëve të tregut, kjo shifër mund të rritet deri në 20 për qind brenda dhjetë vjetëve. Rritja i atribuohet përdorimit të baterive për makinat elektrike” u shpreh Drejtori ekzekutiv i kompanisë “Terrafamo”, Joni Lukkaroinen për të përditshem finlandeze “Hufvudstadsbladet”, transmeton Periskopi.

Raportohet se Finlanda mund të prodhojë nikel për një vit rreth 10, 000 ton.

Prodhuesi i njohur i automobilave elektrikë “Tesla” ka planifikuar të ndërtojë një fabrikë gjigande baterish në Evropë, konkretisht në krahinën finlandeze Ostrobothnia duke pasur parasysh se është i pasur me nikel, kobalt dhe litium./Periskopi/