Presidenti Vuçiç në Srebrenicë: Të rinjtë nuk pajtohen me mua

Vuçiç tha gjithashtu se Serbia nuk mori një ftesë për të marrë pjesë në shënimin e përvjetorit në Potoçar, dhe se ata që shkuan nga Serbia ditëve të kaluara “mund të thonë se gjenocidi ndodhi atje”.

Megjithatë, Vuçiç deklaroi se “fjala e tij, ashtu si ajo e Kryeministrit dhe Ministrit të jashtëm, e obligon – përderisa ajo për të cilën është diskutuar këtu është formulimi juridik”.

“Ka ndodhur një krim i tmerrshëm dhe shpresoj që ne kemi mësuar mësimet – ashtu si nga Bratunac, (Operacioni) Stuhia – për të mos përmendur më të tmerrshmin e të gjithëve – Jasenovac”, tha ai duke iu referuar krimeve të kryera kundër serbëve në vitet 1990 në Bosnjën Lindore dhe në Kroaci, si dhe gjatë Luftës së Dytë Botërore prapë në Kroaci, transmeton Periskopi.

Sipas tij, “çelësi është që për një krim të tillë kaq të madh kurrë nuk duhet të ndodhë kurrë për asnjë popull, ne duhet të shikojmë për të ardhmen” – ndërsa, më tej ai tha se “80 ose 90 përqind e qytetarëve serb nuk mendojnë se një krimi i madh është kryer në Srebrenicë”.

Presidenti beson se marrëdhëniet e serbëve dhe boshnjakëve janë vendimtare për të ardhmen e dyja nacionaliteteve, ndërsa ai “do të punojë sinqerisht për këtë, duke ruajtur interesat kombëtare dhe shtetërore serbe”.

Ai tha se brezat e rinj, përfshirë edhe djalin e tij Danilo, nuk pajtohen me të.

“Danilo do të më thotë – ‘gjithçka ishte e mirë, përveç se për Srebrenicën’. “Do t’i them atij të presë edhe pesë vjet dhe ai do të mendojë ndryshe … kur isha i ri unë ndoshta isha më keq se ai,” Vuçiq tha, duke shtuar se “vetëm gomari nuk ndryshon asnjëherë”./Periskopi/