Përkeqësohen marrëdhëniet diplomatike mes Turqisë dhe Gjermanisë

Në një intervistë në gazetën “Bild”, ministri i financave të Gjermanisë, Wolfgang Schäuble, u bë politikani i fundit që i hodhi ‘zjarr’ përkeqësimit të marrëdhënieve midis Ankarasë dhe Berlinit.

“Turqia ka filluar të arrestojë njerëz që nuk pajtohen me qeverinë turke në mënyrë arbitrare dhe nuk i mban standardet minimale për konsullatat dhe nuk i mban standardet minimale për konsullatat (duke pasur qasje në të dhënat për të burgosurit)” u shpreh Schäuble. “Më kujton se si gjërat shkonin në të kaluarën e RDGJ (komuniste). Njerëzit që udhëtonin atje thoshin: Nëse të ndodh diçka, askush nuk mund të të ndihmojë”, deklaroi me fjalë të tjera ministri gjerman.

Përfundimi i Schäuble erdhi një ditë pasi Gjermania ndryshoi këshillat se si udhëtohet për Turqi për të paralajmëruar qytetarët gjermanë për “rreziqet” që iu kanosen atyre për shkuarjen në atë vend. Ky veprim ishte pjesë e një “këndellje” të përgjithshme kundrejt politikës së Turqisë, e cila kishte arrestuar aktivistë gjermanë dhe aktivistë të organizatës për të drejtat e njeriut, raporton “Deutsche Welle”, transmeton Periskopi.

“Nëse Turqia nuk e ndalon këtë lojë të vogël, do të duhet t’u tregojmë njerëzve tanë: “Ju udhëtoni në Turqi për ta rrezikuar vetën tuaj, dhe këshilla jonë është që, ne nuk mund t’ju ofrojmë asnjë garanci”,  shtoi Schäuble.

Turqia është një destinacion i madh turistik për pushuesit gjermanë, dhe Berlini shpreson se duke i ‘kërcënuar’ qytetarët e tyre për të mos e vizituar shtetin turk do të ndikojë në humbjen e të ardhurave të qevrisë turke, dhe gjithashtu do të jetë një presion i madh për t’i liruar qytetarët gjermanë.

Por nënkryetarja e Bundestag-ut gjerman, Claudia Roth e cila përfaqëson Partinë e të Gjelbërve tha se do të shkojë në Turqi këtë verë.

“Turqia nuk është vetëm Erdogan, prandaj vendosa të mos e lejoj veten të pengojë vizitat e miqve të mi turk”, u shpreh Roth./Periskopi/