Parashikon Tahiri: Ja kush e formon Qeverinë

Kjo sipas Tahirit do të ndodhë më datën 3 gusht, atëherë edhe kur është seanca konstituive e Kuvendit të Kosovës.

“Dëshira e PAN-it, që po thotë që i kanë numrat mund të jetë një gënjeshtër publike e cila mund të shihet së shpejti, atë ditë kur do të votohet qeveria, por një gjë është e sigurt sepse po t`i kishin numrat do të dilnin publikisht të dëshmonin atë”, sqaroi Tahiri për Blic.

Tahiri tha që koalicioni PAN ka më së shumti numra, por jo aq sa për ta formuar qeverinë, po ashtu ai sqaroi që Ramush Haradianaj ende nuk është zyrtarisht i caktuar si mandatar.

“Koalicioni PAN ka dal më më së shumti numra, ka të drejtën kushtetuese që ta bëjë mandatarin dhe ta bëjë qeverinë, edhe ai këtë të drejtë do ta shfrytëzojë, por PAN-i ende s`ka mbajtur mbledhje për ta caktuar mandatarin dhe Ramush Haradinaj ende nuk është zyrtarisht mandatar, por si duket PAN-i nuk i ka numrat, sepse nuk ka marrëveshje me askënd”, u shpreh Tahiri.

Më tej Tahiri ka folur edhe për koalicionin LAA, dhe Vetëvendosjen, kështu duke thënë se ato dyja së bashku i kanë numrat për ta formuar qeverinë.

“ Në mënyre demokratike koalicioni LAA dhe Vetëvendosja i kanë 61 vota, nëse dikush nuk del jashtë tyre, por e drejta për ta formuar qeverinë fillimisht duhet të shfrytëzohet nga PAN-i”, përfundoi Tahiri.