Numri i njerëzve të trafikuar mbetet shqetësues në vend

Trafikimi me njerëz mbetët një dukuri shqetësues për Kosovën duke u bazuar në statistikat të cilat tregojnë që ky fenomen po shënon rritje nga viti në vit.

Megjithë punën e institucioneve, trafikimi me njerëz po vazhdon, ku forma kryesore është shfrytëzimi i femrës për prostitucion të tjerëve.

Drejtoria për Hetimin e Trafikimit me Qenie Njerezore vetëm për 6 muajt e këtij viti ka identifikuar gjithsej 16 viktima, prej tyre 15 shtetase të Kosovës ndërsa 1 nga Shqipëria.

Ndërsa personat e arrestuar për këta muaj janë gjithsej 97 persona.

Edhe në vitin e kaluar  kjo dukuri ka qenë me statistika të larta.

Numri i viktimave të trafikuara ka qenë 36, prej tyre 32 shtetase të Kosovës dhe 4 të Shqipërisë.

Prej tyre, për shfrytëzim për prostitucion të tjerëve numri i femrave ka qenë 26 që paraqet një stastitike të lartë për këtë lloj trafikimi.

“Viktimat e trafikimit  sipas formës së shfrytëzimit 2016

Shfrytëzim për prostitucion të tjerëve 26

Shfrytëzim për shërbime apo punë të detyruar 6

Shfrytëzim për lypësi / lëmosh 3

Shfrytëzim për mbajtje në skllavëri apo kushte të ngjashme 1”

thuhet në përgjigjen e PK-së për Indeksonline.

Në lidhje me këto raste, Policia e Kosovës ka arrestuar  202 persona.

Në tabelën më poshtë gjeni arrestimet për secilën formë të trafikimit, ku për detyrim në prostitucion 47 persona janë arrestuar.

Arrestimet për Vepra Penale 2016

Trafikim me njerëz     62

Mundësim ose detyrim në prostitucion    47

Marrja me prostitucion  – shkelje kundervajtese ligji RQP,neni 7 52

Shërbimet seksuale të viktimës se trafikimit 18

Vepra tjera penale-ndërlidhje 23

Totali i arrestimeve 202

Policia e Kosovës për Indeksonline është shprehur se PK mbetet e përkushtuar në luftën e saj ndaj të gjitha llojeve të krimit  te organizuar duke dhënë kontributin e saj edhe në luftimin e krimit trans-kufitar./Indeksonline/