Një vit nga sulmi në Munih, në mesin e viktimave ishin tre shqiptarë (Foto)

Më 22 korrik 2016, 18-vjeçari David S. vrau me armë nëntë vetë më pas edhe veten në qendrën tregtare Olimpia në Mynih.

Në përvjetorin e parë të këtij krimi, këshilli i qytetit, qeveria dhe parlamenti i landit si dhe të afërmit e viktimave u mblodhën në një ceremoni përkujtimore.

Në vendin e ngjarjes përballë qendrës tregtare u përurua një monument kushtuar viktimave.

Monumenti përkujtimor “Për ju” përbëhet nga një pemë xhinko, e cila rrethohet nga një unazë çeliku dy metra të lartë. Në unazë janë vendosur nëntë gurë, me emrat dhe fotografitë e viktimave.

Përveç kryebashkiakut Dieter Reiter në ceremoni morën pjesë edhe kryeministri i landit Horst Seehofer dhe presidentja e parlamentit të landit Barbara Stamm. “Masakra një vit më parë goditi gjithë Bavarinë”, tha Seehofer.

Në aktin kriminal të 22 korrikut në Myniha u vranë dy vajza dhe një djalë me origjinë nga Kosova, por banues në Mynih.

Armela Segashi, Sabina Sulaj dhe Dijamant Zabërgja ndërruan jetë pasi u sulmuan me armë zjarri në afërsi të një qendre tregtare në kryeqytetin e Bavarisë, Mynih.

Segashi ishte kosovare me origjinë nga qyteti i Podujevës në Kosovë, ndërsa Dijamanti nga Vushtrria. Vajza tjetër, Sabina Sulaj kishte po ashtu babanë nga Kosova ndërsa nënën nga Shqipëria.

Nga radhët e anëtarëve të viktimave foli i vëlla i Armela Segashit, Arbnor Segashi. 14-vjeçarja Armela ishte e para e nëntë viktimave.

Sipas hetuesve i sëmuri mendor David S. kishte vite që përballej me dhunë psikologjike dhe lëndime personale.

Po ashtu sipas hetimeve vepra e tij duhet të ketë pasur gjithashtu motive racore. Në këtë konkluzion hetuesit kanë arritur pas analizës së chat-it të dorësit.

Sipas hetimeve David S. i kishte planifikuar veprimet e tij sipas modelit të ekstremistëve të djathtë dhe i motivuar nga atentati masi i norvegjezit Anders Breivik. Nxënësi e kreu veprën e tij në përvjetorin e pestë të veprës së Breivikut. /DW/