2 orë më parë“Në veri të Kosovës, Qeveria ruse bashkëpunon me ekstremistët serbë”
Periskopi(9 vite më parë)
(9 vite më parë)Sonte në emisionin “Përballje” – prodhim i Telegrafi.com me gazetarin Muhamet Hajrullahu – është diskutuar ndikimi që mund të ketë Federata Ruse në Kosovë dhe në rajon. Lulzim Peci – ish-ambasador i Kosovës në Serbi dhe drejtor ekzekutiv i KIPRED-it – ka thënë se Rusia në Ballkan ndikimin më të madh e ka në Republikën […]
Lulzim Peci – ish-ambasador i Kosovës në Serbi dhe drejtor ekzekutiv i KIPRED-it – ka thënë se Rusia në Ballkan ndikimin më të madh e ka në Republikën Serbe në Bosnje e Hercegovinë, pastaj në Serbi, në Bullgari e në Maqedoni.
Sipas tij, Rusia në Ballkan ka pësuar edhe disfata – si në rastin e Malit të zi, kur ka dështuar të parandalojë anëtarësimin e këtij shteti në NATO.
Peci shprehet se ndikimi i Rusisë në Kosovë është shumëdimensional.
“Nuk mund ta shohim këtë ndikim vetëm në aspektin territorial, brenda Kosovës, sepse Rusia është anëtare e Këshillit të Sigurimit të OKB-së, me të drejtë të vetos, dhe roli i Rusisë për pranimin e Kosovës në OKB është jetik. Pa ‘PO’-në e Rusisë ose pa abstenimin e saj, Kosova nuk mund të pranohet në OKB”, ka deklaruar Peci. “Pra, Rusia është faktor kyç në integrimin e Kosovës në bashkësinë ndërkombëtare, e kjo vlen edhe për OSBE-në”.
Sa i përket ndikimit brenda Kosovës, Peci ka thënë se ky ndikim është i vërejtshëm në veri të vendit.
“Qeveria ruse në veri të Kosovës ka bashkëpunëtorë ekstremistët”, ka thënë Peci. /Telegrafi/
