4 orë më parëNë Ksamil shpërthen tubacioni i ujërave të zeza, ndot detin
Periskopi(9 vite më parë)
(9 vite më parë)Ksamili, i cili në çdo pikë të matur ofron cilësi të shkëlqyer uji vit pas viti, është goditur rëndë të mërkurën në kulmin e sezonit turistik në Shqipëri. Një tubacion i ujërave të zeza ka plasur pasditen e së mërkurës dhe ato po derdhen të gjitha në det, në plazhin “Gjiri Poda” te “Tre ishujt”. […]
Ksamili, i cili në çdo pikë të matur ofron cilësi të shkëlqyer uji vit pas viti, është goditur rëndë të mërkurën në kulmin e sezonit turistik në Shqipëri.
Një tubacion i ujërave të zeza ka plasur pasditen e së mërkurës dhe ato po derdhen të gjitha në det, në plazhin “Gjiri Poda” te “Tre ishujt”. E gjithë hapësira e plazhit është ndotur brenda pak minutash, ndërsa pushuesit janë larguar të alarmuar, shkruan sot “Koha Ditore”.
Ende nuk ka asnjë reagim nga autoritetet përgjegjëse për arsyet që çuan në këtë situatë të rëndë, që dëmton turizmin në këtë zonë. Megjithatë, mësohet se kanë nisur hetimet për të zbuluar shkaqet që sollën shpërthimin e ujërave të zeza, për të marrë më pas dhe masat e duhura.
Ndërkohë Forcat e Armatosura të Republikës së Shqipërisë kanë filluar një operacion detar antindotje në Ksamil. Menjëherë pas marrjes së njoftimit nga Policia Kufitare Shqiptare, në drejtim të Ksamilit janë nisur 18 forca dhe një mjet nga DMR-ja (Drejtoria e Mbrojtjes Rajonale) e Gjirokastrës për parandalimin dhe pastrimin e ujërave të zeza..
