2 orë më parëMMPH mban dëgjim publik për shpronësimin në Shipitullë e Hade
Periskopi(9 vite më parë)
(9 vite më parë)Ministria e Mjedisit dhe Planifikimit Hapësinor ka vendosur që të mbajë një dëgjim publik më datën 10 gusht ku do të diskutohet për çështjen e shpronësimit të tokave private në Hade e Shipitullë të Obiliqit. Ky takim vjen pas paralajmërimeve se Kosova së shpejti mund të hyjë në një krizë energjetike nëse KEK-u nuk […]
Ministria e Mjedisit dhe Planifikimit Hapësinor ka vendosur që të mbajë një dëgjim publik më datën 10 gusht ku do të diskutohet për çështjen e shpronësimit të tokave private në Hade e Shipitullë të Obiliqit.
Ky takim vjen pas paralajmërimeve se Kosova së shpejti mund të hyjë në një krizë energjetike nëse KEK-u nuk i merr në shfrytëzim 52 hektarë të pronës private në këto fshatra në mënyrë që të nxjerrë qymyrin e pashfrytëzuar atje, njofton Klan Kosova.
Duhet se krizën energjetike po e shkaktojnë vonesat në shpronësimin e pronave dhe shtëpive të ndërtuara së fundmi në Shipitullë të Obiliqit me qëllim përfitimin e kompensimit nga shteti.
E MMPH në një përgjigje me shkrim për Klan Kosovën ka dhënë detaje për procesin e shpronësimit në këtë zonë.
“Departamenti i Shpronësimit në kuadër të Ministrisë së Mjedisit dhe Planifikimit Hapësinor, me datë 14.07.2017(ditë e Premte) nga Korporata Energjetike e Kosovës(KEK-sh.a) në mënyrë zyrtare përmes shkresës protokoll Nr.3570/17 ka pranuar ‘‘Kërkesën për shpronësim’’ të pronave të paluajtshme të pronarëve dhe zotëruesve të interesit të cilat preken nga realizimi i Projektit për zgjerimin e mihjes sipërfaqësore për eksploatim të thengjillit për prodhim të energjisë elektrike për nevoja të Korporatës Energjetike të Kosovës(KEK-sh.a), Zona Kadastrale: Hade dhe Shipitullë, Komuna Obiliq”
Në përgjigjen e kësaj ministrie poashtu është bërë e ditur se më 17 korrik të vitit të shkuar ky propozim është dorëzuar në Qeveri, dhe ekzekuitivi më 21 korrik të vitit të kaluar ka nxjerr vendimin me të cilin ka aprovuar shqyrtimin e mëtejmë të kërkesës për shpronësim.
“Procesi i shpronësimit nga moment i paraqitjes së kërkesës për shpronësim dhe deri në nxjerrjen e Vendimit Përfundimtar, mund kryhet brenda periudhës kohore nga 2.5 -3 muaj, ashtu siç është e përcaktuar me Ligjin për Shpronësim”.
” Mjetet financiare për kompenzimin e pronave dhe obligimet tjera janë të siguruara dhe paguhen nga KEK-sh.a, ndërsa shuma e shpronësimit dihet pasi të caktohet vlera e pronave nga Zyra për Vlerësimin e Pronës së Paluajtshme/Ministria e Financave”, theksohet më tej në përgjigje.
