Ministrja serbe: Autostrada e paqes do të financohet nga bankat ndërkombëtare

Ministrja e ndërtimit të Serbisë, Zorana Mihajloviç tha sot se në samitin evropian të Ballkanit Perëndimorë do të folet për ndërtimin e “autostradës së Paqes”, Nish-Merdare-Prishtinë si dhe financimi i këtij projekti do të bëhet nga Banka Botërore, Banka Evropiane si dhe nga disa investime të Bankës Evropiane për rindërtim dhe zhvillim.

Me organizatat financiare ndërkombëtare të përfshira do të diskutojmë mundësitë për financimin e projekteve në infrastrukturën rrugore dhe hekurudhore si dhe rindërtimin e qendrave klinike në Serbi, tha Mihajloviç për Tanjug, transmeton Periskopi.