Manjola Kabashi vuan nga një sëmundje e rëndë, ndihmojeni në përpjekjen e saj për ta mundur sëmundjen (Dok)

Në Facebook është hapur një faqe për një rast më sëmundje të rëndë, për kurimin e së cilës duhen shumë mjete financiare, që janë të papërballueshme për një familje me të ardhura mesatare.

Manjola Kabashi është diagnostifikuar me sëmundjen e leukemisë akute, për shërimin e së cilës duhet 241 mijëe 500 euro.

Në kërkesën për ndihmë thuhet se Manjola e ka vetëbesimin, dëshirën dhe motivin për ta mundur sëmundjen.

“Manoljës i nevojitet transplanti i palcës kurrizore, për t’u shëruar nga sëmundja e leukemisë akute dhe e gjithë terapia kap shumën e 241 mijë e 500 eurove. Manolja e ka vetëbesimin, dëshirën dhe motivin për ta mundur këtë sëmundje. Asaj i duhet vetëm edhe kontributi financiar nga gjithë të tjerët, në mënyrë që t’i mbulohen shpenzimet e terapisë”, thuhet në përshkrimin për rastin e Kabashit në Facebook. /Periskopi/