4 orë më parëTë pasigurt për Veselin
Periskopi(9 vite më parë)
(9 vite më parë)PDK-ja nuk është e sigurt nëse Kadri Veseli do t’i marrë votat e nevojshme për kryeparlamentar. Disa ditë para seancës së 3 gushtit ata thonë se kryetari i partisë është kandidati i tyre i preferuar për kryetar të Kuvendit. Në ditën e parë të regjistrimit të deputetëve të legjislaturës së gjashtë për koalicionin PAN është […]
Në ditën e parë të regjistrimit të deputetëve të legjislaturës së gjashtë për koalicionin PAN është verifikuar edhe një tjetër problem.
Para se të shkohet te formimi i Qeverisë, më 3 gusht, koalicioni fitues i dalë nga zgjedhjet e 11 qershorit do të sfidohet edhe në konstituimin e Kuvendit nëse i nominuari i tyre do të jetë Kadri Veseli.
“Heshtazi” përfaqësuesit e këtij koalicioni e kanë lënë të kuptohet se lideri i PDK-së do të jetë dhe i takon nominimi për kryeparlamentar megjithëse zyrtarisht ende nuk e kanë konfirmuar një gjë të tillë.
Por këtë fakt nuk e kanë mirëpritur deputetët e lëvizjes “Vetëvendosje” dhe të koalicionit LAA, shkruan tutuje “Zëri”.
Ata kanë thënë prerazi se nuk do ta votojnë Kadri Veselin për kryeparlamentar. Sipas tyre, PAN-i duhet ta gjejë një kandidat tjetër në mënyrë që të hapet rruga drejt bërjes së Qeverisë nga po këto dy blloqe, LVV-ja e LAA-ja.
Se do të kenë vështirësi për ta zgjedhur Veselin kryeparlamentar vlerësojnë edhe analistët politikë.
Sipas tyre, dëshmi që nuk i kanë votat është edhe zvarritja e seancës deri më tash.
