Ja ku mund ta nënshkruani peticionin kundër projektit të ndërtimit të xhamisë në Prishtinë

Ky peticion është edhe online dhe mund të nënshkruhet nga të gjithë qytetarët.

Me anë të këtij peticioni kërkohet ndërprerja e menjëhershme e procesit të ndërtimit të objektit me destinacion fetar në lagjen Dardania në Prishtinë, pasi sipas tyre, ky objekt në harmoni me objektet e zonës në tërësi dhe planit rregullativ që është miratuar.

Më tej thuhet se objekti nuk është në përputhje me kriteret e konkursit të publikuara për kompanitë arkitektonike që kanë aplikuar për ndërtimin e këtij projekti, transmeton Periskopi.

Me anë të peticionit kërkohet nga Bashkësia Islame e Kosovës, Komuna e Prishtinës dhe Institucionet Qendrore që proceset e tilla të bëhet në përputhje me planin rregullues të lagjes, me transparencë të plotë karshi qytetarëve dhe në përputhje me kriteret e paracaktuara të konkursit.

Edhe një herë tjetër u sqarua se ata nuk janë kundër ndërtimit të xhamisë në këtë parcelë të Prishtinës.

“Jemi gjithsesi të interesuar për një proces ligjor, gjithëpërfshirës dhe profesional për kryeqytetin tonë. Përderisa Prishtina është në fazë të përmirësimit të infrastrukturës së saj, në respektim të ligjeve dhe të harmonizimit të planeve dhe rregullave, kërkojmë që ato të aplikohen pa përjashtim edhe në procesin e ndërtimit të Xhamisë Qendrore në Prishtinë. Për ta facilituar këtë proces, është domosdoshmëri që të krijohen dëgjime publike të hapura me qytetarët e lagjes, me urbanistë dhe arkitektë, me përfaqësuesit komunal dhe qendror, dhe me të gjitha palët tjera që preken nga ky proces”, thuhet në sqarimin e tyre, transmeton Periskopi.

Peticionin mund ta nënshkruani KËTU.