3 orë më parëGëzimi kthehet në dhimbje, tre të plagosur në një dasmë në Suharekë
Periskopi(9 vite më parë)
(9 vite më parë)Në orët e vona të mbrëmjes së djeshme janë plagosur tri femra si pasojë e disa të shtënave armësh në një dasmë në fshatin Tërnje të Komunës së Suharekës. Lajmin e ka bërë të ditur zyra për informim e Policisë së Kosovës në Komunën e Prizrenit. Viktimat janë dërguar në Emergjencën e Spitalit Rajonal në […]
Lajmin e ka bërë të ditur zyra për informim e Policisë së Kosovës në Komunën e Prizrenit.
Viktimat janë dërguar në Emergjencën e Spitalit Rajonal në Prizren për trajtim mjekësor dhe pas dhënies së ndihmës, njëra nga viktimat është përcjell në QKUK në Prishtinë.
Pas pranimit të informatës për rastin, policia ka dalë në vendin e ngjarjes dhe ka kryer hetime. Janë kryer bastisje në katër shtëpi me ç’ rast janë gjetur dhe sekuestruar:
- Një kallashnikov i prodhimit jugosllav me numër serik 207588;
- Një pistoletë “Ekol Firat” me numër serik EJC16080142;
- Dhjetë fishekë të kalibrit 9mm;
- Një fishek i revolverit;
- Një gëzhojë e kalibrit 9mm;
- Gjashtë gëzhoja të kalibrit 7.62mm;
- Një karikator i AK-47;
- Një karikator i pistoletës.
“Gjatë hetimeve janë arrestuar dy meshkuj në cilësi të personave të dyshuar për të cilët dyshohen se kanë konsumuar elemente të disa veprave penale. Të dyshuarit janë intervistuar në prani të avokatëve mbrojtës dhe më pas është konsultuar prokurori i shtetit i cili ka urdhëruar që të dyshuarit të ndalën nën masën e arrestit policor”, thuhet në njoftimin e PK-së.
Drejtoria Rajonale e Policisë në Prizren bën apel që të mos përdorën armët e zjarrit në asnjë mënyrë e posaçërisht në dasma dhe ahengje familjare sepse ekziston rrezik permanent për lëndime trupore dhe humbje të jetëve të njerëzve.
