Drejtori i ardhshëm i RTK-së nga radhët e AAK-së shpërthen më lëvdata për PDK-në

Redaktori i RTK-së, Ernest Luma ka hedhur në Facebook një status lëvdatash për Partinë Demokratike të Kosovës, duke thënë se PDK është “nëna politike” e të gjitha partive në Kosovë.

Lumës, të cilit sipas burimeve të Periskopit i është premtuar pozita e drejtorit të RTK-së nga ana e Ramush Haradinajt, ka thënë se përmes PDK-së kanë qeverisur të gjitha partitë e Kosovës.

PDK-në ai e quan shtyllë kurrizore të shtetit dhe të lirisë së Kosovës.

Ky është statusi i tij i plotë i postuar në facebook:

PDK është shtylla kurrizore e shtetit dhe lirisë së Kosovës. Në krejt historinë e kësaj partie, të gjithë qeverisën me të e përmes saj. Disa të tjerë janë derivat i pastër politik i saj, aty u rritën e u kultivuan politikisht e, së voni, kaluan në një serë tjetër apo në sera të tjera politike.

Tash, të gjithë kinse po ia bëjnë “block”, duke harruar se për një pjesë të tyre është partneri historik politik e, për një pjesë, pak më të “carrakuqtë”, të cilët, dikur, pasi që i morën hapat e u mësuan me ecë vetë politikisht, e braktisën, PDK është “nana e tyre politike”.

E keqe apo e mirë, pavarësisht se qysh ua qet disave dioptria më e fundit politike, nana është nanë – e tillë qysh ka qëllu. Është po ajo, shtylla kurrizore e shtetit dhe lirisë së Kosovës.

Lexo më shumë:

Ky është posti i premtuar nga Haradinaj për entuziastin e RTK-së për numrat e PAN-it (Foto)