Çka thuhet në letrën që Haradinaj ua ka dërguar Mustafës dhe Ymerit (Dokument)

Kandidati për kryeministër nga koalicioni PAN, Ramush Haradinaj, u ka dërguar nga nje letër kreut të LDK’së Isa Mustafa dhe atij të Vetëvendosjes, Visar Ymerit për takim.

Në letrën e Haradinajt thuhet veç tjerash se ‘diskutimi për çështjet e interesit nacional dhe të bashkëpunimit e bashkërendimit institucional duhet të jetë praktikë e vazhdueshme me qëllim të forcimit të demokracisë së brendshme në Kosovë”.

Letra e plotë e Haradinajt të cilën e ka siguruar Gazeta Express, ka këtë përmbajtje:

I nderuar z. Ymeri,

Kosova ka zhvilluar një proces të drejtë dhe të rregult zgjedhor, duke rikonfirmuar rrugën e sigurt të konsolidimit të demokracisë dhe shtetndërtimit.

Qytetarët e Kosovës presin nga institucionet e dala nga zgjedhjet që të avancojnë agjendën e interest nacioanl të ndërtimit të shtetit ligjor, zhvillimit ekonomik dhe përparimit të Kosovës në proceset e integrimit eurotalantik.

Në përputhje me rezultatin e zgjedhjeve të parakohshme parlamentare të Kosovës të datës 11 qershor 2017 e të certifikuara nga Komisioni Qendror i Zgjedhjeve, në të cilësinë e të nominuarit të koalicionit fitues, ju ftoj për një takim konsultativ me qëllim të diskutimit të pikëpamjeve rreth ndërtimit të institucioneve të reja në Kosovë.

Diskutimi për çështjet e interest nacional dhe të bashkëpunimit e bashkërendimit institucional duhet të jetë praktikë e vazhdueshme me qëllim të forcimit të demokracisë së brendshme në Kosovë.

Ju ftoj që takimin ta zhvillojmë me datë 11 korrik, në ora 12:00, në mjedisit e Kuvendit të Kosovës,

Ramush Haradinaj.