7 orë më parëAfganistan: Rrëmbehen 70 persona, raportohet për 7 të vdekur
Periskopi(9 vite më parë)
(9 vite më parë)Shtatëdhjetë banorë në një zonë rurale afgane u morën peng, përgjatë autostradës kryesore në jug të vendit, ku të paktën shtatë persona janë vrarë, njoftoi kreu i policisë së provincës së Kandaharit, i cili akuzoi talebanët për këtë akt. Rreth 30 banorë janë lënë të lirë, por të paktën 30 të tjerë rezultojnë të zhdukur, […]
Shtatëdhjetë banorë në një zonë rurale afgane u morën peng, përgjatë autostradës kryesore në jug të vendit, ku të paktën shtatë persona janë vrarë, njoftoi kreu i policisë së provincës së Kandaharit, i cili akuzoi talebanët për këtë akt.
Rreth 30 banorë janë lënë të lirë, por të paktën 30 të tjerë rezultojnë të zhdukur, tha për median gjenerali Abdul Raziq, shefi i policisë së provincës.
Ai saktësoi se ngjarja u regjistrua përgjatë autostradës që lidh Kandaharin, kryqendrën e provincës dhe qytetit kryesor jugor, në Tarin-Kot, kryeqendra e provincës Uruzgan, një zonë e trazuar nën monitorimin e rebelëve. Këta të fundit nuk kanë reaguar nga ky informacion dhe nuk kanë marrë përsipër aktin e rrëmbimit.
